2012年03月

運玉森(西原町)

イメージ 1

 運玉森(うんたまむい)や西原(にしばる)とぅ与那原(ゆなばる)ぬ境(さあけえ)んかいあん。
 遠(とぅう)くから見(ん)じいねえ、別名(びちなあ)や西原富士んでぃ言(い)ゃりいるあたいうぬ形(かたち)え、ちゅらさしが、近くから見(ん)じいねえ、ただぬ森(むい)。
 運玉義留(うんたまぎるう、うんたまじるう)んでぃ言(ゆ)る義賊(ぬすどぅ)ぬ居(をぅ)たんでぃぬ伝(ちて)え話からうぬ森ぬ名(なあ)ぬ付(ち)きらってぃ、音打(うとぅう)っちょおしが、実(じち)え、沖縄戦(うちなあぬいくさ)んじ、日米(にちびい)ぬ両方(ろおほう)ぬ軍(いくさ)がうすまさ、戦闘(いくさ)さる所(とぅくる)んやん。
 うんにい、米軍(びいぐん)が付(ち)きたる名(なあ)やConical Hill。我叔父(わあをぅざさあ)ぬ一人(ちゅい)ん、うぬ戦闘(いくさ)んじ戦死(しんし)さんでぃ思(うま)ありいん。
 148メートルぬ丈(たき)え、昔(んかし)え、義賊ぬ隠所(くぁっきどぅくる)とぅせえ、良(い)い所(とぅくる)やたる筈(はじ)やしが、今(なま)あ、麓(あむと)お、ゴルフ場けえなとおん。

【語句】
運玉森や西原とぅ与那原ぬ境んかいあん=運玉森は西原と与那原の境界にある。
遠くから見じいねえ=遠くから見れば。「遠くから」は「遠さから」ともいう。
別名や西原富士んでぃ言ゃりいるあたい=別名は西原富士ともいわれるほど。「あたい」は「~ほど」。
うぬ形え、ちゅらさしが=その形は美しいが、
近くから見じいねえ=近くからみれば。「近くから」は「近さから」ともいう。
ただぬ森=ただの森だ。
運玉義留んでぃ言る義賊ぬ居たんでぃぬ=運玉義留という義賊が居たとの
伝え話から=伝説から
うぬ森ぬ名ぬ付きらってぃ=その森の名が付けれ、
音打っちょおしが=有名であるが。「音打ちょおん」は「音立つちょおん」ともいう。
実え、沖縄戦んじ=実は、沖縄戦で
日米ぬ両方ぬ軍ぬうすまさ=日米両軍が、激しく、
戦闘さる所んやん=戦闘したところでもある。
うんにい=当時、
米軍が付きたる名やConical Hill=米軍が付けた名はConical Hill(円錐形の丘)。
我叔父ぬ一人ん=私の叔父の一人も
うぬ戦闘んじ戦死さんでぃ思ありいん=その戦闘で戦死したと思われる。
148メートルぬ丈え=標高148メートルは
昔え、義賊ぬ隠所とぅせえ=昔は義賊の隠れ場所としては、
良い所やたる筈やしが=よい所だったかもしれないが
今あ、麓お、ゴルフ場けえなとおん=今は麓はゴルフ場になってしまっている。

津波警告石(石垣市白保)

イメージ 1

 去年(くず)ぬ東日本ぬ津波(しがりなみ)え、でえじなうすまさたん。
 やしが、1771年(にん)んじ、先島(さちしま)んかいん大津波(うふしがりなみ)ぬ来(ち)ゃん。
 写真(しゃし)ぬ石え、うぬばすに環礁(いのう)から打ち上ぎらったる珊瑚(さんぐ)やん。
 似ちょおるう石(いし)え、海端(うみばた)いっぺえ、散らかとおん。
 早(ふぇえ)くお、元(むとぅ)からあたる石どぅやるんでぃ言(ゆ)る人ん居たしが、元石(むとぅいし)やれえ、根(にい)ぐいぬ波なかい削(き)じらってぃ、キノコ型んかい成ゆる筈(はじ)やん。
 くまんかいあぬ石え、諸(むる)、ただ置(う)かっとおんねえしどぅそおる。石ぬ周(まあ)いぬ突起(とぅがい)ぬ削(き)じらっとおしえ、転(くる)がてぃ来(ち)ゃる証拠(すうく)どぅやる。
 大概(てえげえ)、人口ぬ九人に一人(ちゅい)が居(をぅ)らんなたる白保村(すさぶむら)あ波照間島(はてぃるまじま)から、又宮良村(みやらむら)あ小浜島(くはまじま)から、押(う)し押しに家移(やあうち)いしみらってぃ、建てぃ直(のお)さったん。
 来年(やあん)ぬ3月(さんぐぁち)ねえ、直(し)ぐ側(すば)んかいある新石垣空港(しんいしぐぁちくうこう)ぬ開港(くぁいこう)すん。

【語句】
去年ぬ東日本ぬ津波え=昨年の東日本の津波は、
でえじなうすまさたん=すざましかった。
やしが、1771年んじ=だが、1771年に
先島んかいん大津波ぬ来ゃん=先島にも大津波が襲った。
写真ぬ石え=写真の石は。
うぬばすに=その際に
環礁から打ち上ぎらったる珊瑚やん=環礁から打ち上げられた珊瑚である。
似ちょおるう石え=同様な石は、
海端いっぺえ、散らかとおん=海岸じゅうに散らばっている。
早くお=以前は、
元からあたる石どぅやるんでぃ=元々からあった石だと
言る人ん居たしが=主張する人もいたが
元石やれえ=元からの石なら、
根ぐいぬ波なかい削らってぃ=根本付近が波に削られ、
キノコ型んかい成ゆる筈やん=キノコ状になるはずである。
くまんかいあぬ石え=ここにある石は
諸=すべて
ただ置かっとおんねえしどぅそおる=ただ置かれているだけのようなのである。
石ぬ周いぬ=石の周辺の
突起ぬ削じらっとおしえ=突起が削られているのは、
転がてぃ来ゃる証拠どぅやる=転がってきた証拠である。「どぅ」は前語を強調する助詞で、次にくる存在動詞「やん」は連体形「やる」で結ばれる。」
大概、人口ぬ九人に一人が=およそ、人口の9割が
居らんなたる白保村あ=亡くなった白保村は、
波照間島から=波照間島から
又宮良村あ=宮良村は
小浜島から=小浜島から
押し押しに家移いしみらってぃ=強制的に移住させられ、
建てぃ直さったん=再建された。
来年ぬ3月ねえ=来年の三月には、
直ぐ側んかいある=直ぐ側にある
新石垣空港ぬ開港すん=新石垣空港が開港する。
ギャラリー
  • 残波岬Ⅱ(読谷村)
  • 平和通り(那覇市)
  • 首里城(那覇市)
  • ジョン万次郎記念碑(豊見城市)
  • なあかなしい(八重瀬町)
  • 上原港(竹富町上原)
  • 宇那利埼からぬ眺み(竹富町上原)
  • 忘勿石(竹富町南風見)
  • 茅葺ぬ古家(竹富町)
アーカイブ
カテゴリー
  • ライブドアブログ