2012年05月

イメージ 1

 今日(ちゅう)や日本復帰40周年ぬ日(ふぃい)なとおん。
 北緯27度線(しん)でぃ言(い)いや、サンフランシスコ条約なかい沖縄(うちなあ)とぅ本土(やまとぅ)分きたる境(さあけえ)なとおたん。
 復帰前(めえ)や、沖縄からん、与論島(ゆんぬ)からん、ちゃっさきいぬ船(ふに)ぬ出(ん)じゃさってぃ、毎年(めえにん)4月28日、北緯27度線ぬ海(うみ)ぬ上於(ゐいをぅ)とおてぃ、祖国復帰海上集会(すくくふっちくぁいじょうしゅうくぁい)ぬ行(うく)なわりとおたん。
 海とぅ天(てぃん)ぬ境んかいや与論島ぬ、うむように見(み)ゆん。多(うふ)くぬ沖縄人(うちなあんちゅ)ぬ復帰しいねえ、基地(ちち)ん、しい欲(ぶ)しゃ勝手(かってぃい)そおたる米軍(びいぐ)ぬん、いきらくなゆんでぃ、頼(たる)がきらっとおたるむぬ、復帰しん、何(ぬう)んむさっとぅ変わゆる事(くと)お無えらんたん。
 大山朝常元コザ市長はじみ、うんにいぬ復帰闘争そおたる活動家ぬ多くが、「本土や帰(け)えいびちいやる祖国やあらんたん」んでぃ、述懐(しっくぇえ)すんねえなてぃ来(ち)ょおん。

【語句】
今日(ちゅう)や日本復帰40周年ぬ日なとおん=今日は日本復帰40周年の日である。「日やん」でもよい。文章語としては、後者がスマートだと思い、長らく後者の言い回しを続けていたが、最近は、慣用的使用の多い前者のような表現も増やすようにしている。
北緯27度線でぃ言いや=北緯27鮮度といえば。都市部なでおでは「~でぃ言いねえ」の言い方がやや多い。
サンフランシスコ条約なかい=サンフランシスコ条約で(によって)。サンフランシスコ条約は、連合国が対日戦争を終結させるために締結した講話条約(1952年4月28日発効)で、沖縄を米軍統治とすることも決められた。
沖縄とぅ本土分きたる境なとおたん=沖縄と本土を分ける境界線となっていた。「~境やたん」でもよい。
復帰前や=復帰前は、
沖縄からん、与論島からん=沖縄からも与論からも、
ちゃっさきいぬ船ぬ出じゃさってぃ=数多くの船が出され、
毎年4月28日、北緯27度線ぬ海ぬ上於とおてぃ=毎年4月28日、北緯27度線の海上で、
祖国復帰海上集会ぬ行なわりとおたん=祖国復帰海上集会が行なわれていた。
海とぅ天ぬ境んかいや=水平線には、
与論島ぬうむように見ゆん=与論島がおぼろげに(かすかに)見える。「うむよう(かすかに)」は「見いらんかあ見いらんかあ」とも言う。
復帰しいねえ=復帰すれば
基地ん無えらんなやい=基地もなくなり、
しい欲しゃ勝手そおたる米軍ぬん=やりたい放題だった米軍も
いきらくなゆんでぃ=少なくなるものと、
頼がきとおたるむぬ=期待されていたものの、
復帰しん=復帰しても、
何ん、むさっとぅ、変わゆる事お無えらんたん=何も全く変わる事はなかった。
大山朝常元コザ市長はじみ=大山朝常元コザ市長はじめ、
うんにいぬ復帰闘争そおたる活動家ぬ多くが=当時、復帰闘争にかかわっていた活動家の多くが、
本土や帰いびちいやる祖国やあらんたん=本土は帰るべき祖国ではなかった
んでぃ、述懐すんねえなてぃ来ょおん=と、述懐するようになってきている。

イメージ 1

 田(たあ)ぬある景色見(ちいちん)じいねえ、なだやしくなゆん。
 やしがまた、くむい小(ぐぁあ)んじ、んぶきとおたる弟(うっとぅ)、皆(んな)し助(たし)きたる事(くとぅ)ん思(うび)い出(ん)じゃすん。
 戦前迄(いくさめえまでぃ)、自給自足(じちゅうじすく)なとおたる沖縄(うちなあ)から多(うふ)くぬ田(たあ)ぶっくぁぬ無(ね)えらんなとおしん歴史的訳(りちしてぃちわき)ぬあん。
 基地(ちち)ぬ島とぅし、造(ちゅく)い替(けえ)ゆる為(たみ)、田畑(たはた)が米軍(びいぐん)なかい取(とぅ)らってぃ、畑(はる)さあそおたる人(ちゅ)ん達(ちゃあ)ん軍作業(ぐんさじょう)すんねえしなたん。
 通貨(じぬ)んB円(いん)からドルんかい、けえ替(け)えらってぃ、基地依存(たるがき)経済(きいじい)んかい変(っけ)えらったる故(ゆい)やん。
 隣(とぅない)ぬ西原(にしばる)んかいあたる家(やあ)ぬ田ぬ側(すば)んかいや父達(すうたあ)ぬ掘(ふ)てえる避難壕ぬ、あたしが、今(なま)あ、舗装道路けえなとおん。

【語句】
田ぬある景色=田んぼのある風景を
見じいねえ=見れば、
なだやしくなゆん=心穏やかになる。
やしがまた=だけどまた、
くむい小んじ=溜め池で、
んぶきとおたる弟=おぼれていた弟を
皆し助きたる事ん=みんなで助けたことも
思い出じゃすん=思い出す。
戦前迄、自給自足そおたる沖縄から=戦前迄、自給自足ができていた沖縄から
多くぬ田ぶっくぁぬ=多くの田んぼが
無えらんなとおしん=消えたのにも
歴史的訳ぬあん=歴史的な理由がある。
基地ぬ島とぅし、改造する為=基地の島として、改造するため。
田畑が米軍なかい取らってぃ=田畑を米軍に取られ、
畑さあそおたる人ん達ん=農業をしていた人々も
軍作業すんねえしなたん=軍作業をするようになった。
通貨んB円からドルんかい替えらってぃ=通貨もB円(軍票)からドルに切り替えられ、
基地依存経済んかい変えらったる故やん=基地依存経済に変えられたためである。
隣ぬ西原んかいあたる=隣の西原にあった
家ぬ田ぬ側んかいや=我が家の田んぼのそばには
父達ぬ掘てえる避難壕ぬ=父らが掘った避難壕が
あたしが=あったが、
今あ、舗装道路けえなとおん=今は舗装道理になってしまった。「けえ」は「~してしまう」の意味の副詞。

↑このページのトップヘ