2012年11月

富盛ぬシーサー(八重瀬町)

イメージ 1

 勢里(じり)グスクんかい置(う)かっとおるうぬ獅子(シーサー)や、琉球最古(1689年設置)ぬむぬやでぃち、傍(すば)ぬ石碑んかい書かっとおん。
 今あ獅子や、「うちなあ文化」やんでぃ言ちん済(し)むるあたい、屋根(やに)から門口(ぞうぐち)んでえ迄(までぃ)、まあんくぃん、シーサーぶったあなとおん。
 シーサーや、なあふぃん、早(ふぇえ)くからあたんでぃ思(うむ)とおたるむぬ、うぬ歴史(りちし)え300年余(にんあま)いどぅやがやあ。
 エジプトんじえ、紀元前2500年前(にんめえ)んじえ、スフィンクスぬぎれえらったんでぃぬ事(くとぅ)。琉球(るうちゅう)んかい来(ち)ゅうる迄、4000年余いかかとおるばすやん。

【語句】
勢里グスクんかい置かっとおるうぬ獅子(シーサー)や=勢里グシクに設置されたそのシーサーは、
琉球最古(1689年設置)ぬむぬやでぃち=琉球最古(1689年設置)のもであると、
傍ぬ石碑んかい書かっとおん=傍らの石碑に記述されている。
今あ獅子や=いまやシーサーは、
「うちなあ文化」やんでぃ言ちん済むるあたい=沖縄文化だと言っても良いくらい、
屋根から門口んでえ迄=屋根から門などまで
まあんくぃん、シーサーぶったあなとおん=いたる所、しーさーだらけである。「ぶったあ」は「ものが多くある様」。
シーサーや、なあふぃん、早くから=シーサーはもっと以前から、
あたんでぃ思とおたるむぬ=存在していたと思っていたのに、
うぬ歴史え、ただぬ300年余いどぅやがやあ=その歴史はたった300年余りなのだろうか。
エジプトんじえ=エジプトでは、
紀元前2500年前んじえ=紀元前2500年前には、
スフィンクスぬぎれえらったんでぃぬ事=スフィンクスが建造されたとの事。「ぎれえゆん」は「造営する、建造する」。
琉球んかい来ゅうる迄=琉球に来るまで、
4000年余いかかとおるばすやん=4000年以上要したわけである。

屋慶名ぬ牛庭(うるま市) 

イメージ 1

 
 くまあ、早(ふぇえ)くお、いいくる与那城小学校生徒(ゆなぐしくしょうぐぁっこうしいとぅ)ぬ遠足(いんすく)すぬ所(とぅくる)やたん。
 別(びち)ぬ用事終(ゆうじ)わらち、ちゃあしっちい、くまとぅめえてぃ行(ん)じゃん。
 やしが、ふぃるましむん、まんぐらあ原(もう)どぅやたるむぬ、家(やあ)ん建(た)っちまんでぃ、景色(ちいち)んけえ変(か)わてぃ、とぅめえららんたん。
 仕方(しかた)あ、無(ね)えらな、地元んじ訊(ち)ち回(まあ)ち来(ち)ゃれえ、うんにいぬ面影(うむかじ)えむさっとぅ、無(ね)らんなとおたん。
 うんにいや牛庭(うしなあ)ぬ周(まあ)いんかいや、木(きい)や、むさっとぅ、無(ね)えらな、一学年300人ぬ童(わら)ん達(ちゃあ)ぬ遊(あし)ばりいるあたい、いっそうから、あしじりゆんじるどぅやたるむぬ、さぼうるがなけえさぼうりてぃ、懐(あな)がちさどぅくるおあらん、悪夢見(やないみん)ちょおる如(ぐとぅ)どぅあたる。

【語句】
牛庭=闘牛場
くまあ、早くお=ここは、ずっち以前は。「前(めえ)や」(=以前は)より、以前の感覚がある。
いいくる与那城小学校生徒ぬ=与那城小学校生徒が
遠足すぬ所やたん=遠足するところであった。
別ぬ用事終わらち=別の用事を済ませ、
ちゃあしっちい、くまとぅめえてぃ行じゃん=その足で、ここを探して行った。
やしが、ふぃるましむん=だが、妙なことに、
まんぐらあ原どぅやたるむぬ=あたりは野原だったはずなのに、
家ん建っちまんでぃ、景色んけえ変わてぃ=家も立ち並び、景色も変わってしまい。「けえ」は「~してしまう」の意味の副詞で動詞の前に付く。
とぅめえららんたん=捜されなかった。「かめえららんたん」とも言うが、文例の方が上品?
仕方あ、無えらな=仕方なく、
地元んじ訊ち回ち来ゃれえ=地元で聞き歩いてきたら
うんにいぬ面影えむさっとぅ、無らんなとおたん=当時の面影は全く、無くなっていた。
うんにいや牛庭ぬ周いんかいや=当時は競技場の周囲には
木やむさっとぅ、無えらな=木は全く、なく
一学年300人ぬ童ん達ぬ遊ばりいるあたい=一学年300人の子供らが遊べるほど、
いっそうから、あしじりゆんじるどぅやたるむぬ=すべて、芝生だったのに。「あしじり」だけでも「芝生」の意味。「ゆんじり」は語調を整える役割の重複語。他例「ゆんたくひんたく」の「ひんたく」。
さぼうるがなけえさぼうりてぃ=荒れるだけ荒れ放題になって、
懐がちさどぅくるおあらん=懐かさどころではなく、
悪夢見ちょおる如どぅあたる=悪い夢でも見てるようであった。「どぅ」は前語を強調する助詞で、次にくる「やん」は連体形「やる」で結ぶ。
ギャラリー
  • 残波岬Ⅱ(読谷村)
  • 平和通り(那覇市)
  • 首里城(那覇市)
  • ジョン万次郎記念碑(豊見城市)
  • なあかなしい(八重瀬町)
  • 上原港(竹富町上原)
  • 宇那利埼からぬ眺み(竹富町上原)
  • 忘勿石(竹富町南風見)
  • 茅葺ぬ古家(竹富町)
アーカイブ
カテゴリー
  • ライブドアブログ