2013年06月

イメージ 1

 写真からあ見(み)いんしが直径40センチぐれえ、火立(ふぃいた)てぃぬ左(ふぃざい)ぬ下(しちゃ)まんぐらんかい、防弾(たま)なかいくじらっとおる跡(あとぅ)ぬあん。
 戦前(いくさめえ)ぬ製糖工場(さあたあこうじょう)ぬ火立(ふぃいたてぃ)やたん。
 今(なま)あ、まんぐらあ、うんな面影(うむかじ)えむさっとぅ、無(ねえ)えらな、畑(はたき)とぅ養豚場(わあやあ)びけんぬるある。
 火立や砲弾なかい射(い)りくじらってぃから65年(るくじゅうぐにん)が間(ゑえだ)、ちゃあ立っちいそおん。使(ちけ)え道(みち)え無(ね)えらんなてぃん、戦(いくさ)ぬ事語(くとぅかた)ゆんでぃち、うみはまてぃ立っちょおん。
 今(なま)ぬ政権党(しいちんとう)が不確実な記億(=不都合な記億、じゅんにぎさああらんうびい)や諸(むる)、歴史教科書(りちしちょうわす)から削(きじ)らんでぃ、くぬどおる最中(ばす)、県(きん)やくぬ火立や戦跡記念物(しんしちちにんぶつ)とぅしち、認定さあに、後々迄(あとぅあとぅまでぃ)、残(ぬく)ち行(い)ちいびちいやあらに。

【語句】
写真からあ見いんしが=写真からは見えないが、
直径40センチぐれえ=直径40センチぐらい、
火立てぃぬ左ぬ下まんぐらんかい=煙突の左の下辺りに、
防弾なかいくじらっとおる跡ぬあん=砲弾で抉られた跡がある。
戦前ぬ製糖工場ぬ火立やたん=戦前の砂糖工場の煙突だった。
今あ、まんぐらあ、うんな面影え=今は、周辺はそういう面影は、
むさっとぅ、無えらな=全く無く、
、畑とぅ養豚場びけんぬるある=畑と養豚場だけがある。「ぬる」は係り助詞「ぬ(が)」と強調を表わす助詞「どぅ」の清音である「る」。これを受けて、「あん(ある)」は連体形「ある」で結ぶ。
火立や砲弾なかい射りくじらってぃから=煙突は砲弾に撃たれてから
65年が間、ちゃあ立っちいそおん=65年もの間、たち続けている。
使え道え無えらんなてぃん=使い道はなくなっても、
戦ぬ事語ゆんでぃち=戦争のことを語ろうと、
うみはまてぃ立っちょおん=一生懸命頑張って立っている(意訳)。
今ぬ政権党が不確実な記億(=不都合な記億)や=今の政権党が不確実な記億(=不都合な記億)は、
諸、歴史教科書から削らんでぃ=すべて、歴史教科書から削除しようと、
くぬどおる最中=計画している中、
県やくぬ火立や戦跡記念物とぅしち=県はこの煙突について、戦跡記念物として、
認定さあに、後々迄=認定し、将来(未来に)に、
残ち行ちいびちいやあらに=残していくべきではないだろうか。

イメージ 1

 写真ぬ右(にじり)がゆうな。
 かあま早(ふぇえ)くお村ぬあまくまんかいあたん。
 うぬ葉(ふぁあ)や催(むゆう)しむんでえぬあるばすお、食(か)み物(むん)、載(ぬ)しゆる皿(さら)ぬ代わいとぅしち使(ちか)あらっとおたん。
 戦後(いくさあとぅ)お、色(いる)んな物資(むん)ぬ不足(ふすく)さあに、我(わあ)が小(くう)さるばす迄(まで)え、ちり紙んちょおん無えらな、ゆうなぬ葉がうりぬ代わいとぅなとおたん。
 柔(やふぁ)らさんあい、冷(ふぃ)じゅってん小(ぐぁあ)し、ちり紙やかや使(ちけ)え易(や)っさたる覚(うびい)いぬあん。
 うぬ葉や、うぬ後(あとぅ)、フルから畑(はる)んかいかやあさってぃ肥(くぇえ)とぅなたん。
 水洗トイレんじえ、ちゃっさ尻(ちび)ぬ痛(や)まわん、必(かんな)じ、ちり紙使(ちか)あらんでえならん。とおく代や、システム化そおる暮らしんかい、押(う)し込(く)みらっとおん。便利がやら、不便がやら…。

【語句】
写真ぬ右がゆうな=写真の右がゆうな(大ハマボウ)
かあま早くお=ずっと、以前は、  類語に「前(めえ)や」がある。
村ぬあまくまんかいあたん=集落のあちこちにあった。
うぬ葉や催しむんでえぬあるばすお=その葉は、イベントなどがある場合は、
食み物、載しゆる皿ぬ代わいとぅしち=食べ物を置く皿の代わりとして、
使あらっとおたん=使用されていた。
戦後お、色んな物資ぬ不足さあに=戦後は、いろんな物資が不足し、
我が小さるばす迄え=私が幼い頃までは、
ちり紙んちょおん無えらな=ちり紙さえなく、
ゆうなぬ葉がうりぬ代わいとぅなとおたん=ゆうなの葉がその代わりとして代用されていた。
柔らさんあい=柔らかくもあり、
冷じゅってん小し=ひんやりとして、
ちり紙やかや使え易っさたる覚いぬあん=ちり紙よりは使いやすかった記億がある。
うぬ葉や、うぬ後=その葉は、その後、
フルから畑んかいかやあさってぃ=便所から畑に運ばれ、
肥とぅなたん=肥料となった。
水洗トイレんじえ=水洗トイレでは、
ちゃっさ尻ぬ痛まわん=どんなに、尻が痛かろうが、
必じ、ちり紙使あらんでえならん=絶対にトイレットペーパーを使用しなければならない。
とおく代や=現代は、
システム化そおる暮らしんかい=システム化された生活に、
押し込みらっとおん=押し込められている。
便利がやら、不便がやら…=便利なのか、不便なのか…。

今ぬまあどお、臭さる話なてぃ、でえじな、御無礼なとおいびいんさい(今回は、臭い話で、大変、失礼いたしております

↑このページのトップヘ