2014年07月

イメージ 1

 田や中南部ぬ人ん達にとぅてえ、いっぺえふぃるましむんやん。
 中南部ん戦後十数年ぐれえ迄え田所やたん。やしが米軍なかい田畑んけ奪らってぃん、なあんあらん、値安いぬ加州米ん入っちちゃる為なかい、米軍なかい取ららんたる田迄ん無えらんなたん。
 うり故に沖縄ぬ景色えまるまるうとぅけえ変わたん。変わたしえ景色びけえのおあらん。
 自給自足経済ん滅ぶさってぃ、依存型経済んかい変えらっとおん。
 くぬ町ん大ぎ米軍基地ぬあしが基地んかい負きらんあたいぬ大ぎ田んじ、米とぅか田芋とぅか作い続きらっとおる事お、でえじなぬ肝上やん。

【語句】
田や中南部ぬ人ん達にとぅてえ=田んぼは中南部の人々にとっては、
いっぺえふぃるましむんやん=大変珍しいものである。
中南部ん戦後10年ぐれえ迄え田所やたん=中南部も戦後十数年位までは田の多い地域であった。
やしが米軍なかい田畑んけえ奪らってぃん=だが、米軍に田畑を奪われても、
なあんあらん、値安いぬ加州米ん入っちちゃる為なかい='それだけでは済まず、安い加州米が入ってきたために、
米軍なかい奪ららんたる田迄ん無えらんなたん=米軍に奪われなかった田迄もが消えた。
うり故に沖縄ぬ景色えまるまるうとぅけえ変わたん=そのために、沖縄の風景はすっかり変化してしまった。
変わたしえ景色びけえのおあらん=変わったのは風景だけではない。
自給自足経済ん滅ぶさってぃ=自給自足経済も壊滅させられ、
依存型経済んかい変えらっとおん=依存型経済に変えられてしまっている。
くぬ町ん大ぎ米軍基地ぬあしが=この町も大規模な米軍基地があるが、
基地んかい負きらんあたいぬ大ぎ田んじ=基地に負けないぐらいの大きな水田で
米とぅか田芋とぅか作い続きらっとおる事お=米や田芋が栽培され続けられている事はとても心強い。

イメージ 1

1959年6月30日、アミリカ軍(いくさ)ぬジェット戦闘機ぬくぬ小学校(がっこう)んかい落(うてぃ)てぃたん。
 生徒(しいとぅ)とぅまんぐらぬ人(ちゅ)ん達(ちゃあ)18人(じゅうはちたい)があらた命失(ぬちうし)なたん。
 石川(いしちゃあ)市(うんにい)んかいや戦後直(いくさあとぅしぐ)ぐに沖縄諮詢会ぬ置(う)かったい、戦後初みてぃガリ版新聞ぬいちゃんだし、配(は)がったいし、戦後ぬ沖縄復興ぬ中心地(なかじん)やたん。
 琉米親善センターん成てぃ、米軍詰みぬビーチ(白浜ビーチ)んあてぃ、栄(さけ)えとおたしが、事故ぬ後(あと)お市ぬ勢(いちゅ)いぬ衰(うとぅ)いてぃ今(なま)あ、うるま市んかい纒(まとぅ)みらっとおん。
 校庭(なあ)んかいや、人(ちゅ)ぬ泣ち声(ぐぃい)聞(ち)ちふどぅゐいゆんでぃ言(い)ゃとおる大(うふ)クァアディーサー(写真左)ぬあん。うぬ下(しちゃ)ぬ盆山(ぶんさん)ぬんかいや「つよく」んでぃぬ字(じい)ぬ刻(きざ)まっとおん。

【語句】
1959年6月30日、アミリカ軍ぬジェット戦闘機ぬ=1959年5月30日、アメリカ軍戦闘機が
くぬ小学校んかい落てぃたん=この小学校に墜落した。
生徒とぅまんぐらぬ人ん達18人があらた命失なたん=生徒と周辺の住民18人が尊い命を失った。
石川市(うんにい)んかいや戦後直ぐに沖縄諮詢会ぬ置かったい=石川市(当時)には戦後直ぐに沖縄諮詢会が設置されたり、
戦後初みてぃガリ版新聞ぬいちゃんだし、配がったいし=戦後初めてガリ版新聞が無料で配布されたり、
戦後ぬ沖縄復興ぬ中心地やたん=戦後沖縄復興の中心であった。
琉米親善センターん成てぃ、米軍詰みぬビーチんあてぃ=琉米親善センターも建てられ、米軍専用のビーチ(白浜ビーチ)もあり、 現在は琉米親善センターは別の施設に変わり、米軍専用ビーチはない。
栄えとおたしが、事故ぬ後お市ぬ勢いぬ衰いてぃ=繁栄していたが、事故の後は市勢が衰え、
今あ、うるま市んかい纒みらっとおん='今はうるま市に統合されている。
校庭んかいや、人ぬ泣ち声聞ち=校庭には人の泣き声を聞いて
ふどぅゐいゆんでぃ言ゃとおる大クァアディーサー(写真左)ぬあん=育つといわれている大きなコワデイシ(写真左)がある。
うぬ下ぬ盆山ぬんかいや「つよく」んでぃぬ字ぬ刻まっとおん=その下の庭石には「つよく」という文字が刻まれている。

↑このページのトップヘ