2015年08月

イメージ 1

 沖縄(うちなあ)ぬ浜(はま)やれえ、まあにん、あいぎさる浜やん。
 やしが、白雲(しらくむ)とぅ白浜(しらはま)、又、青(おお)さる天(てぃん)とぅ海(うみ)、うりに緑(みどぅい)ぬ草原(くさもう)、組(ぐう)なちぇえる景色(ちいち)ぬ美(ちゅら)さあてぃどぅ、載(ぬ)してぃ見(ん)ちゃる。
 右(にじり)むてぃいや与勝半島(かっちん)、海ぬかあまあがあぬ左(ふぃざい)むてぃいや平安座(ひんざ、ふぃんざ)・宮城島(なあぐしく)・伊計島(いちはなり)んでえぬ連(ち)るがとおん。
 くぬ白浜あ復帰前(ふっちめえ)や専(むっぱ)ら米軍人(アミリカー)びけんぬむんどぅやたしが、今(なま)あ返還(けえ)さってぃ、民間(うまんちゅ)ぬむんやん。やしが、むしか、辺野古基地(ふぃうくちち)んでえぬないねえ、くぬ海端(うみばた)はじみ、沖縄本島(うちなあぬじちうち)ぬ東(あがり)ぬ海(うみ)え、米軍ぬ軍用機(いくさひこうち)とぅ艦隊(いくさぶに)ぬ往来(おうれえ)すぬやとぅ大道(うふみち)とぅなゆん。
 一昨日(うってぃい)ん、浜比嘉島(ばまふぃざ)ぬ東(あがり)むてぃいぬ海んじ米軍ぬヘリぬ鑑(いくさぶに)んかい降(う)りい破(やん)てぃ、騒じ事ぐとぅ)、起(う)くちょおん。

【語句】
沖縄ぬ浜やれえ、まあにん、あいぎさる浜やん=沖縄の浜辺ならどこんでもありそうな浜辺である。
やしが、白雲とぅ白浜、又、青さる天とぅ海、うりに緑ぬ草原んでえ=だが、白雲と白浜、それに青い空と海、そして、緑の草原等を、
組なちぇえる景色ぬ美さあてぃどぅ=組合わせた景色が美しいからこそ、
載してぃ見ちゃる=取り上げてみたのである。
右むてぃいや与勝半島、海ぬかあまあがあぬ左むてぃいや=右側は与勝半島、海のはるか向こうの左側は、
平安座・宮城島・伊計島んでえぬ連るがとおん=平安座、宮城島、伊計島等が続いている。
くぬ白浜あ復帰前や専ら米軍人びけんぬむんどぅやたしが=この白浜は復帰前は米軍専用だったが、
今あ返還さってぃ、民間ぬむんやん=現在は返還されて、民間のものである。
やしが、むしか、辺野古基地んでえぬないねえ=だが、もし、辺野古基地ができるとなれば、
くぬ海端はじみ、沖縄ぬ東ぬ海え=この海岸はじめ、沖縄本島の東一帯の海は、
米軍ぬ飛行機とぅ艦隊ぬ往来すぬやとぅ大道とぅなゆん=米軍の軍用機と艦隊が往来する巨大な「街道」となる。
一昨日ん、浜比嘉島ぬ東むてぃいぬ海んじ=一昨日も浜比嘉島の東方海上で、
米軍ぬヘリぬ鑑んかい降りい破てぃ、騒じ事、起くちょおん=米軍ヘリが鑑への着陸に失敗して事故を起こしている。

イメージ 1

 色(いる)んな夕(ゆ)さんでぃ明(あ)けえいぬあしが、台風(てえふう)12号ぬ去(は)ちゃる日(ふぃい、ひい)ぬ夕さんでぃぬ明(あ)かがいや、特(か)てぃ、ちびらあさるむぬやたん。
なあ15分ばかあん前(めえ)やれえ、なあふぃん、美(ちゅ)らさたるむぬ、しょう抜(ぬ)ぎてぃ、家(やあ)んかい戻(むどぅ)てぃ写真機取(とぅ)てぃ来(ち)ぁるばすお、きっさ太陽(てぃだ、てぃいだ)あ、けえ落(う)てぃらんでぃそおたん。
いっそうまぬ夕さんでぃやれえ、太陽ぬ落てぃゆる所(とぅくる、とぅくま)びけんどぅ、明がかとおしが、うぬ日ねえし、あんすかなあでぃん、天(てぃん)いっぺえ、明かがい雲(ぐむ)ぬ広(ふぃる、ひる)がとおしえ、稀(まり)ねえ物(むん)やん。
 うりん台風雲故(てえふうぐむゆい)がやら。
 同(い、ゆ)ぬ夕さんでぃやてぃん、「赤(あこ)う黒(くろ)う」、「夕紛(ゆまん)ぐぃい」んでえ、うんな景色(ちいち)ぬ事(くとぅ)が言(ゆ)ら。

【語句】
色んな夕さんでぃ明(あ)けえいぬあしが=色々な夕焼けがあるが、
台風12号ぬ去ちゃる日ぬ夕さんでぃぬ明かがいや=台風12号が去った日の夕焼けは、
特てぃ、ちびらあさるむぬやたん=格別に、素晴らしいものであった。
なあ15分ばかあん前やれえ、なあふぃん、美らさたるむぬ=もう15分ばかり、早ければ、もっと美しかっのに
しょう抜ぎてぃ、家んかい戻てぃ写真機取てぃ来ぁるばすお=慌てて、家に戻り、カメラを取ってきたときは、
きっさ太陽あ、けえ落てぃらんでぃそおたん=日はとっくに、沈もうとしていた。
いっそうまぬ夕さんでぃやれえ、太陽ぬ落てぃゆる所びけんどぅ=いつもの夕方なら、日が沈むところだけしか、
明がかとおしが、うぬ日ねえし=夕焼けにならないが、その日のように、
あんすかなあんでぃん、天いっぺえ=これほどまでに、空いっぱいに、
明かがい雲ぬ広がとおしえ=夕焼け雲が広がっているのは、
稀ねえ物やん=滅多にないことだ。
うりん台風雲故がやら=これも台風雲の所為だろうか。
同ぬ夕さんでぃやてぃん=同じ夕方でも、
「赤う黒う」、「夕紛ぐぃい」んでえ=「赤う黒う」、「夕紛れ」というのは、  「赤う黒う」も「ゆまんぐぃい」も夕方の情景を表す言葉であるが、ニュアンスが異なる。
うんな景色ぬ事が言ら=そういう景色をいうのだろうか。

↑このページのトップヘ