2015年12月

イメージ 1

 写真(しゃしん)ぬ中央(なかむてぃい)ぬ遠(とぅう)さんじ、たっちゅうそおる山(やま)あ運玉森(うんたまむい)やん。
 与那原町(ゆなばるちょう)や1949年(にん)んじ、旧大里村(むとぅぬうふざとぅすん)から分(わ)かりてぃ成(な)たる町(まち)やん。
 本島(じじうち)んじえ、一番(いちばん)ぐまさる町やん。
 写真や旧与那原(むとぅゆなばる)テック(今≪なま≫あゴルフ場)ぬ上辺(うゎあび)ぬ傍(はた)から抜(ぬ)じぇえるむぬやん。
 与那原テックんでぃ言(い)いねえ、童(わら)ん達(ちゃあ)、遊(あし)ばする遊園地(ゆういんち)やたん。
 名(なあ)とぅ話(はなしい)びけんどぅ聞(ち)ちょおたる、貧相(ふぃんすう)やたる我(わ)ったあや、一(ちゅ)けぬんちょおん、添(そ)うてぃ行(い)かりいる事(くと)お無(ね)えらんたん。
 中城城址(なかぐしくぐしくあとぅ)んかいん、遊園地ぬあたしが、沖縄(うちなあ)やどぅくだら、マーケットぬぐまさぬ、むとぅうらんたる風儀(ふうじ)。普天間基地(ふてぃんまちち)跡(あとぅ)んかい「ディズニーランド」呼(ゆ)ぶる話(なはしい)ん出(ん)じとおしが、札入(ふだいり)ぬ為(たみ)ぬ話(はなし)ぐぁっちいあらんでえ済(し)むしが…。
 地主(じいぬぬうし)え、ちゃあしが、考(かんげ)えとおらあ…。

【語句】
写真ぬ中央ぬ遠さんじ、たっちゅうそおる山あ運玉森やん=写真中央の遠くのとんがり山は運玉森である。
与那原町や1949年んじ、旧大里村から分かりてぃ成たる町やん=与那原町は1949年に旧大里村から分離してできた町である。
本島んじえ、一番ぐまさる町やん=本島では最小の町である。
写真や旧与那原テック(今あゴルフ場)ぬ上辺ぬ傍から抜じぇえるむぬやん=写真は旧与那原テック(現在ゴルフ場)から撮ったものである。
与那原テックんでぃ言いねえ、童ん達、遊ばする遊園地やたん=与那原テックといえば、子供を遊ばせる遊園地であった。
名とぅ話びけんどぅ聞ちょおたる、貧相やたる我ったあや=その名と噂だけを聞いていただけで、貧乏だった我が家(の子供たち)は、
一けぬんちょおん、添うてぃ行かりいる事お無えらんたん=一度たりとも、連れていかれる事はなかった。
中城城址んかいん、遊園地ぬあたしが、沖縄やどぅくだら=中城城址にも、遊園地があったが、沖縄はあまりにも、
マーケットぬぐまさぬ、むとぅうらんたる風儀=マーケットが小規模過ぎて、持たなかったようだ。
普天間基地跡んかい「ディズニーランド」呼ぶる話ん出じとおしが=普天間基地跡に「ディズニーランド」を誘致する話も出ているが、
札入ぬ為ぬ話ぐぁっちいあらんでえ済むしが…=選挙目当ての「お話御馳走」に終わらなければ良いが…。
地主え、ちゃあしが、考えとおらあ…=(だけど米軍に土地を奪われた)地主はどう考えているのやら…。

イメージ 1

 鬼大城(うにううぐしく)んでえ実名(そうなあ)や大城賢勇(うふぐしくけんゆう)。
 勝連(かっちん)ぬ阿麻和利(あまわい)滅(ふ)ぶちゃる首里軍(しゅいがた)ぬ大将(てえしょう)やたん。
 屋慶名(やきな)ぬ十五夜祭(じゅうぐやあ)ぬ村芝(むらしばい)居(をぅ)うてえ、戦(いくさ)ぬばす阿麻和利ぬ臣下(しんか)屋慶名(やきな)アカーとぅ大石(まぎいし)投(な)ぎ合(ええ)すぬ場面(とぅくる)ぬんあん。
 具志川(ぐしちゃあ)ぬ喜屋武城(ちゃんぐしく)んじ、うふぃぬ勝連城(かっちんぐしく)眺(なが)みやがなあふどぅゐい来(ち)ゃんでぃぬ事(くとぅ)。 勝連城(かっちんぐしく)攻(し)み落(うとぅ)さんでぃぬ肝(ちむ)迄(までぃ)んふどぅわちが居(をぅ)たらあ。
 首里尚泰久王ぬ女(ゐなぐ)ん子(ぐぁ)なやい、阿麻和利ぬ妻(とぅじ)とぅなたるやる百渡踏揚(むむとぅふみあがり)んかい惚(ふ)りとおたんでぃぬ説(ちてえばなし)んあん。
 阿麻和利滅ぶちゃる後(あと)お越来城(ぐいくぐしく)ぬ主(ぬし)とぅなしが、彼(あり)くるん又(また)尚泰久王なかい滅ぶさってぃ、知花城(ちばなぐしく)ぬ片隅(かししみ)んかい葬(ほう)らっとおん。
 「鬼(うに)」んでえ日本語(やまとうぐち)とぅ同(い)ぬ「鬼」ぬ意味(ちむええ)どぅやしが、接頭語(しっとぅうぐ)とぅしち使(ちか)ゆるばあや「英雄」、「偉大な」でぃぬ意味(ちむええ)とぅなゆん。賢勇や琉球んじ初みてぃ、「鬼」ぬ「称号(のおが)」得(い)いとおる人(ちゅ)やん。
やしが、「鬼」と「英雄」とお、いいくる同(い)ぬむのおあらに?

【語句】
鬼大城んでえ実名や大城賢勇=鬼大城とは本名は大城賢勇
勝連ぬ阿麻和利滅ぶちゃる首里軍ぬ大将やたん=勝連の阿麻和利を滅ぼした首里軍の大将であった
屋慶名ぬ十五夜祭ぬ村芝居うてえ=(うるま市)屋慶名の十五夜祭に行われる村芝居では
戦ぬばす阿麻和利ぬ臣下屋慶名アカーとぅ=(首里軍による勝連城攻め)戦では阿麻和利の配下の屋慶名アカーと
大石投ぎ合すぬ場面ぬんあん=大きな石を投げ合いする場面がある。
具志川ぬ喜屋武城んじ、うふぃぬ勝連城眺みやがなあ=具志川の喜屋武城で、あれだけの勝連城を眺めながら、
ふどぅゐい来ゃんでぃぬ事=育ってきたとの事。
勝連城攻み落さんでぃぬ肝迄んふどぅわちが居たらあ=(何時かは)勝連城を攻め落とそうする魂胆まで成長させていたのだろうか。
首里尚泰久王ぬ女ん子なやい、阿麻和利ぬ妻とぅなたるやる百渡踏揚んかい=首里の尚泰久王の娘で、阿麻和利の嫁になった百渡踏揚に
惚りとおたんでぃぬ説んあん=惚れていたとの説がある。(尤も、彼女の付き人として、一緒に勝連城に赴任した経緯もあるが…。その辺は歴史家はどうのように考えるのだろうか???)
阿麻和利滅ぶちゃる後お越来城ぬ主とぅなしが=阿麻和利を滅ぼした後は、越来城に冊封されたが、
彼くるん又尚泰久王なかい滅ぶさってぃ=彼自身もまた、尚泰久王に滅ぼされ、
知花城ぬ片隅んかい葬らっとおん=知花城の片隅に葬られた。
「鬼」んでえ日本語とぅ同ぬ「鬼」ぬ意味どぅやしが=「鬼」とは日本語と同じ意味なのであるが、
接頭語とぅしち使ゆるばあや「英雄」、「偉大な」でぃぬ意味とぅなゆん=接頭語にして使う場合は「英雄」、「偉大な」という意味になる。
賢勇や琉球んじ初みてぃ、「鬼」ぬ「称号」得いとおる人やん=賢勇は琉球で初めて「鬼」の称号を受けた人物である。
やしが、「鬼」と「英雄」とお、いいくる同(い)ぬむのおあらに?=だが、鬼と英雄とは紙一重ではないのか?

↑このページのトップヘ