Category: 無題

忘勿石
 くぬ浜(はま)んかいや他所(ゆす)んかい無(ね)えらん風儀(ふうじい)ぬ写真(しゃしん)ぬ如(ぐと)おる変(か)わとおる石(いし)ぬあん。
 硬(くあ)さる大(ま)ぎ平石(ふぃらいし)え、回(まあ)いや泡(あぶく)ぬ吹(ふ)ち出(ん)じとおる風儀(ふうじい)ぬくま穴小(あなぐゎあ)ぬ蜂(はちゃあ)ぬ巣(しい)ねえそおん。
 うぬ石ぬ一(てぃい)ちんかい、「忘勿石 ハテルマ シキナ」んでぃち刻(ちざ)まっとおん。
 1945年(にん)4月(しんぐゎち)沖縄戦(うふいくさ)ぬ始(はじ)まてぃ直(ちゃあき)まんぐら、旧日本軍ぬ言い付きにゆてぃ波照間(はてぃるま)からぬ学童(がっこうしいとぅ)ん達(ちゃあ)ぬくぬ西表(いりうむてぃ)んかい分(わ)っくぃらってぃちゃん。
 やしが、くまあヤキイ地獄(じぐく)どぅやたる。
 学童ん達や一人(ちゅい)なあ一人なあ、倒(とお)りてぃんじゃん。
 くまぬ浜から生(ん)まり島(じま)、波照間ぬ見(み)ゆん。
 生(い)ちち、自(どぅう)ぬ親(うや)んかい又(また)とぅ行会(いちゃ)ゆる事(くとぅ)んならんたる生徒(しいとぅ)、肝苦(ちむぐり)さ思(うみ)いさがなあ、又、何(ぬう)んしゆうさんシキナ先生(しんしい)や、只(ただ)、くまぬ石んかい、肝(ちむ)ん肝(ちむ)ならん思(うみ)い刻むる他(ふか)あ無(ね)えらんたん。
 沖縄戦ぬばすぬ疎開地獄おくまびけえやあらんたん。

【語句】

くぬ浜んかいや他所んかい無えらん風儀ぬ=この浜には他には見られないような
写真ぬ如おる変わとおる石ぬあん=変わった写真のような石がある。
硬さる大ぎ平石え回いや泡ぬ吹ち出じとおる=硬くて大きい平石は周囲は泡を吹きだした
風儀ぬくま穴小ぬ蜂ぬ巣ねえそおん=ような小さな穴は蜂の巣のようである。
うぬ石ぬ一ちんかい=その石の一つに
「忘勿石 ハテルマ シキナ」=「忘勿石 ハテルマ シキナ」
んでぃち刻まっとおん=と刻まれている。
1945年4月、沖縄戦ぬ始まてぃ直まんぐら=1945年4月、沖縄戦が始まった直ぐの頃、
旧日本軍ぬ言い付きにゆてぃ波照間からぬ学童ん達ぬ=軍命により波照間からの学童らが
くぬ西表んかい分っくぃらってぃちゃん=この西表島に疎開させられてきた。
やしが、くまあヤキイ地獄どぅやたる=だが、ここは悪性マラリア地獄だった。
学童ん達や一人なあ一人なあ、倒りてぃんじゃん=学童らは一人また一人と倒れていった。
くまぬ浜から生まり島、波照間ぬ見ゆん=この浜からは故郷、波照間が見える。
生ちち、自ぬ親んかい又とぅ行会ゆる事ん=生きて親に再会することも、
ならんたる生徒、肝苦さ思いさがなあ=叶わなかった生徒を可哀想と思いながら、
又、何んしゆうさんシキナ先生や=そして、何もしてやれなかった(引率の)シキナ先生は、
只、くまぬ石んかい、肝ん肝ならん思い=ただ、ここの石にやるせない思いを
刻むる他あ無えらんたん=刻み込む以外になかった。
沖縄戦ぬばすぬ疎開地獄お=沖縄戦時における疎開地獄は
くまびけえやあらんたん=ここだけではなかった。

イメージ 1

 赤瓦家(あかがあら)がる沖縄(うちなあ)ぬ古家(ふるやあ)らあさるんでぃ思(うむ)とおる人(ちゅ)おまんどおん。
 んちゃ、しょうらあさ残(ぬく)っさとおる茅家(がややあ)や、いいくる無(ね)えらんなてぃどぅ居(をぅ)くとぅ、あんし思(うま)あってぃん、仕方(しかた)あ無(ね)えらん。
 やしが、実(じゅん)にぬ昔(んかし)ぬ古家(ふるやあ)んでえ茅家(がややあ)どぅやたる。
 くま西表(いりうむてぃ)祖納(そね)んかいや、昔茅家(んかいがややあ)ぬ残(ぬく)さっとおん。
 石階(いしきざい)上(ぬぶ)てぃぬ門口(じょうぐち)んかいや主(ぬうし)ぬ名(なあ)ぬ書(か)かっとおる札(ふだ)ぬ立(た)てぃらっとおん。
 庭(なあ)んかい入(い)っち、家(やあ)ぬ中(なか)、伸(ぬ)ばがてぃ見(に)いねえ、一番座(いちばんざあ)、二番座(にばんざあ)、下(しむ)また庫下(くちゃ)んあん。
 垂木(きち)んいい木(ち)んちゃんとぅそおん。
 家ぬ後(くさあ)んかい回(みぐ)いねえ、豚(うゎあ)ぬ不動(ふる)迄(までぃ)備(すな)わとおん。
 またくりかあぬ石垣(いしがち)ぬ石(いし)え、竹富(だきどぅん)島、石垣(いしがち)島、本島(うちなあ、じじうち)ぬうりとぅん、変(か)わてぃ、海石(うみいし)がやら、いっそうから平石(ふぃらいし)どぅやる。
 実(じゅん)に、かあま昔(んかし)んかい移帰(うてぃけえ)たる心地(くくち)。

【語句】
赤瓦家がる沖縄ぬ古家らあさるんでぃ=赤瓦の家こそ沖縄の古民家だと
思とおる人おまんどおん=思っている人が多い
んちゃ、しょうらあさ残っさとおる茅家や=なるほど、まともに残されている茅葺家は
いいくる無えらんなてぃどぅ居くとぅ=殆ど、消えてしまっているので、
あんし思あってぃん、仕方あ無えらん=そう思われても、仕方あるまい。
やしが、実にぬ昔ぬ古家んでえ茅家どぅやたる=だが、本当の古民家といえば、茅葺家なのである。註:赤瓦家は廃藩置県(明治初期)迄は、士族しか許されなかったが、外国人が行き交う那覇では例外的に士族以外にも許された。その他の地域では茅葺が主流だった。
くま西表祖納んかいや、昔茅家ぬ残さっとおん=ここ西表祖納には茅葺の古民家が残されている。
石階上てぃぬ門口んかいや主ぬ名ぬ=石垣の階段を上った門口にはも持ち主の名前が
書かっとおる札ぬ立てぃらっとおん=記された札が立てられている。
庭んかい入っち、家ぬ中、伸ばがてぃ見いねえ=庭に入り、家の中を覗くと、
一番座、二番座、下また庫下んあん=一番座(客間)、二番座(仏間)、台所そして裏座もある。
垂木んいい木んちゃんとぅそおん=(屋根を支える)垂木も桟もちゃんとしている。
家ぬ後んかい回いねえ、豚ぬ不動迄備わとおん=家の後方に回ると、豚小屋も備わっている。
またくりかあぬ石垣ぬ石え、竹富島、石垣島、本島ぬ=またこの地域の石垣の石は竹富島、石垣島、本島の
うりとぅん、変わてぃ、海石がやら=それとも異なり、海石なのか、
いっそうから平石どぅやる=片っ端から、平たい石である。
実に、かあま昔んかい移帰たる心地=本当に遥か昔にタイムスリップした気分だ。

イメージ 1

 牛煽(うしおお)らせ合(え)や、我(わあ)が中学生(ちゅうがくしい)ぬばすお、いいくる、牛庭(うしなあ)んじ飲(ぬ)み物(むん)売(う)やあしみらっとおたぬ事(くとぅ)んあてぃ、見(ん)じい慣(な)りとおん。
 大人(うふっちゅ)なてぃからあ、なんぞお見(ん)じゅる暇(まどぅ)ぬ無(ね)えらんたしが、生(ん)まりジマんかい巡(みぐ)ゆる道中(みちなか)、同(い)ぬ足(ふぃしゃ)なかい伸(ぬ)ばがてぃんちゃるばすやん。
 煽(おお)らしい様(よう)やうんにいとぅ全(まったち)ち変(か)わらん。
 牛煽らせ合や生(い)ちむししんだんでぃ言(ゆ)る人(ちゅ)ん居(をぅ)しが、沖縄(うちなあ)ぬ牛煽らせ合んかいや、むさっとぅ当(あ)たらん。
 牛(うし)え主(ぬうし)なかい思愛(うみがな)さ、さってぃ大切(てえしち)に飼(か)らあっとおん。
 スペインぬ闘牛ねえし人んかい向(ん)かゆる事(くと)おむさっとぅ無(ね)えん。
 煽合(おおええ)すぬ前(めえ)ぬ牛ぬ前足(めえびしゃ)伸(ぬ)ばちゃい、土(んちゃ)、かかじたいする「手様(てぃいよう)足様(ふぃさよう)」ぬルーティンや、ちゃっさ、うじらあさくとぅ!。
 勝(か)っちゃる牛え、すがらさってぃ、背(ながに)んかい主ぬ家組(やあぐな、やあにんず)乗(ぬ)したいし、「があええ」叫(あ)びいすん。

【語句】
牛煽らせ合や、我が中学生ぬばすお、いいくる=闘牛は私が中学生の頃は、よく、
牛庭んじ飲み物売やあしみらっとおたる=闘牛場で飲料水を売りをさせられていた、
事んあてぃ、見じい慣りとおん=こともあって、見慣れている。
大人なてぃからあ、なんぞお見じゅる=大人になってからは、それほど見物する
暇ぬ無えらんたしが、生まりジマんかい=機会がなかったが、実家に
巡ゆる道中、同ぬ足なかい伸ばがてぃ=立ち回る序でに、足を伸ばして
んじゃるばすやん=みたのである。
煽らしい様やうんにいとぅ全ち変わらん=闘牛の仕方は、当時とまったく同じだった。
牛煽らせ合や生ちむししんだんでぃ言る人ん居しが=闘牛は動物虐待だと言う人もいるが、
沖縄ぬ牛煽らせ合んかいや、むさっとぅ当たらん=沖縄の闘牛はそれにはまったく当たらない。
牛え主なかい思愛さ、さってぃ=闘牛は飼い主に愛情を注がれ
大切に飼らあっとおん=大事に飼われている。
スペインぬ闘牛ねえし人んかい=スぺインの闘牛のように、人に
向かゆる事おむさっとぅ無えん=突進することは、全くない
煽合すぬ前ぬ牛ぬ前足伸ばちゃい=試合前に闘牛が前足を屈伸したり、
土、かかじたいする「手様足様」ぬ=土を蹴り均したりする仕草
ルーティンや、ちゃっさ、うじらあさくとぅ!=ルーティンは、どれだけ、可愛いことか!
勝っちゃる牛え、すがらさってぃ=勝利した牛は、着飾られ、
背んかい主ぬ家組乗したいし=背に飼い主の家族を乗せたりして
「があええ」叫びいすん=勝利の雄たけびをする

イメージ 1

 一昨日(うってぃい)、沖縄(うちなあ)ん梅雨明(ちゆあ)きさん。
 いっそうまぬ梅雨やか雨(あみ)ぬ降(ふ)い様(よう)ん強(ちゅう)さたい、長雨(ながあみ)んやたん。
 大人(うふっちゅ)なてぃかあ空(んな)梅雨ぬどぅまんどおたくとぅ、今度(くんどぅ)ぬ長雨え童(わらび)ぬばすぬ芒種雨(ぼうしゅあみ)、覚(うび)い出(ん)じゃちゃん。
 写真(しゃしん)ぬ川(かあら)あ漫湖(国場川)んかい繋(ちな)じょおる饒波川(ぬふぁがあ)ぬ上辺(うゎあび)ぬ川(かあ)なとおん。
 いっそうまや、茅敷(かやしち)がらんでぃ思(うみい)ゆるあたい、水(みじ)え見(み)いらん。
 見いてぃぃん、ようい溝小(んずぐゎあ)ぬうっぴ小(ぐゎあ)。
 左(ふぃざい)むてぃいぬ茅(かや)ぬ下流(しちゃあら)んかい向(ん)かてぃ倒(とお)りとおしえ、流(なが)りぬなあふぃん、強(ちゅう)さたるばす、茅、覆(うす)ゆるか水嵩(みじたき)ぬあたる川水(かあらみじ)ぬ流りとおたる証拠(すうく)やん。
 うんな大水(ううみじ)ぬ事(くとぅ)、「あむとぅ洗(あれ)え水」んでぃ言(ゆ)ん。
 うぬ日(ふぃい)や、坂道(ふぃら)ん滝(たち)ねえしけえなてぃ、豊見城(てみぐしく)団地んかい通(とぅう)ゆる北側(にしむてぃい)ぬ道(みち)ぬいふぃ小(ぐゎあ)ぬ崩(くじ)りとおたん。
 芒種雨え、台風雨(てえふうあみ)ぬ他(ふか)なかいや一番(いちばん)強さんでぃ言(い)らっとおん。

【語句】
一昨日、沖縄ん梅雨明きさん=一昨日、沖縄も梅雨明けした
いっそうまぬ梅雨やか雨ぬ降い様ん強さたい=平年の梅雨より雨の降り方が激しく
長雨んやたん=降る期間も長かった
大人なてぃかあ空梅雨ぬどぅまんどおたくとぅ=大人になってからは空梅雨が多かったので、
今度ぬ長雨え童ぬばすぬ芒種雨=今年の長期の雨は子供の頃の「芒種雨」を 「芒種雨」は「芒種の時期に降る梅雨」の事。ちなみに、「小満芒種」が「梅雨」の代名詞。とりわけ「芒種雨」は激しく強い。
覚い出じゃちゃん=思い出した
写真ぬ川あ漫湖(国場川)んかい繋じょおる饒波川ぬ=写真の川は漫湖に繋ぐ饒波川の
上辺ぬ川なとおん=上流である
いっそうまや、茅敷がらんでぃ思ゆるあたい=普段は茅地なのかと思うほど
水え見いらん=水は見えない
見いてぃぃん、ようい溝小ぬうっぴ小=見えても小さな溝のそれぐらいの水
左むてぃいぬ茅ぬ下流んかい向かてぃ倒りとおしえ=左側の茅の下流に向かって倒れているのは
流りぬなあふぃん、強さたるばす、茅、覆ゆるゆるか=流れがもっと激しかったときに茅を覆うほど、
水嵩ぬ高さたる川水ぬ流りとおたる証拠やん=水嵩のある激流が流れていた証拠である。
うんな大水ぬ事=そんな洪水のことを
「あむとぅ洗え水」んでぃ言ん=「畦洗い流し水」という
うぬ日や、坂道ん滝ねえしけえなてぃ=その日は坂道は滝のようになり、
豊見城団地んかい通ゆる北側ぬ道まんぐらぬいふぃ小ぬ=豊見城団地に通じる北側の道路付近の一部が
崩りとおたん=土砂崩れしていた
芒種雨え、台風雨ぬ他なかいや=芒種雨は台風以外では
一番強さんでぃ言らっとおん=一番強いと言われている

イメージ 1

 「ゆっかぬふぃい」やハーレーぬ日(ふぃい)。
 ハーレー鐘(がに)ぬ鳴(な)いねえ、梅雨(ちゆ、しゅうまんぼうしゅ)ぬ明(あ)きゆんでぃ言(い)らっとおしが、今度(くんど)お今(なま)ちきてぃ明きらん。
 ハーレーや写真(しゃしん)ぬ真(ま)ん中(なか)まんぐらんかい抜(ぬ)がっとおしが、どぅくぐまさぬ目当(みや)てぃらりいがすら。
 ハーレーぬ写真や前(めえ)にん抜(ぬ)じ、くぬブログ於(う)てぃ御主様(ぐしゅうよう)んかい御目掛(うみか)きたる事(くとぅ)ぬあくとぅ、今(なま)ぬまあどお糸満(いとぅまん)漁港、御目掛きる積合(ちむええ)なかい抜(ぬ)じゅる角度(まがい)変(け)えたん。
 糸満漁港や、いやでぃん、沖縄(うちなあ)んじえ一番まぎいやる筈(はじ)。
 昔(んかし)え糸満ぬ海(うみ)ん人(ちゅう)や沖永良部(いらぶ)迄(までぃ)ん名(なあ)ぬ立(た)っちょおたん。
 また、あんまあ達(たあ)や頭商(かみあちね)えし、魚売(いゆう)てぃ歩(あ)っちょおたしが、我覚(わあうびい)なかや、30年(にん)前(めえ)頃迄(ぐるまでぃ)どぅ見(ん)ちゃる、なあ見(ん)だんなとおん。
 今あ魚(いゆ)お、スーパーんかい行(い)ちねえまんどおん。
 あんしゅか、世(ゆう)ぬうち変(か)わてぃ…。

【語句】
「ゆっかぬふぃい」やハーレーぬ日=「ゆっかぬふぃい(旧暦5月4日)」はハーレーの日。那覇などでは「はーりー(爬龍)」。
ハーレー鐘ぬ鳴いねえ、梅雨ぬ明きゆんでぃ=ハーレー鐘が鳴ると、梅雨が明けると
言らっとおしが、今度お今ちきてぃ明きらん=言われているが、今年は、いまだに明けない。
ハーレーや写真ぬ真ん中まんぐらんかい抜がっとおしが=ハーレー競走写真は中心付近に写っているが、
どぅくぐまさぬ目当てぃらりいがすら=あまりにも小さいので、確認できるだろうか。
ハーレーぬ写真や前にん抜じ、くぬブログ於てぃ=ハーレーの写真は以前にお写してこのブログで
御主様んかい御目掛きたる事ぬあくとぅ=皆様方にご覧頂いたことがあるので、
今ぬまあどお糸満漁港、御目掛きる積合なかい=今回は糸満漁港をご覧頂く積りで、
抜じゅる角度変えたん=写す角度を変えた。
糸満漁港や、いやでぃん、沖縄んじえ一番まぎいやる筈=糸満漁港はきっと沖縄では最大かと思う
昔え糸満ぬ海ん人や沖永良部迄ん名ぬ立っちょおたん=昔は糸満の漁師は沖永良部でも有名だった
また、あんまあ達や頭商えし、魚売てぃ歩っちょおたしが=また女性達は行商して魚を売って歩いたが、
我覚なかや、30年前頃迄どぅ見ちゃる=私の記憶では30年前迄頃に見たのを最後に、
なあ見だんなとおん=見る事はなくなった。
今あ魚お、スーパーんかい行ちねえまんどおん=今は魚はスーパーに行けば多くある。
あんしゅか、世ぬうち変わてぃ…=こんなにも、時代は激変したのか…。

↑このページのトップヘ